Зад нас е уште една успешна Глокал конференција, третата по ред. Glocal: Inside Social Media претставуваше тридневен настан кој на едно место собра голем број академски истражувачи, практичари и студенти од различни земји, култури и генерации обезбедувајќи простор за дискусија на тема која беше заеднички интерес: социјални медиуми.

Тимот на Центарот за нови медиуми беше комплетно одговорен за онлајн промоцијата, кампањата и техничката реализација на овој настан. По промотивните и организациски активностите кои претходеа на настанот, за самиот настан беше создадена интернет страница на која учесниците на самата конференција но и оние кои не беа таму можеа во живо да го следат овој настан. На Livestream стрaницата се агрегираше различна содржина и одеше видео пренос во живо.

Би сакале уште една да им се заблгодариме на целата локална и регионална интернет заедница која безрезервно не поддржа и ни помагаше во реализацијата.  Сега, по конференцијата можете да прегледате дел од видео записите и презентациите кои од 15 до 17 октомври беа дел Glocal: Social Media во организација на New York University Skopje.

Со задоволство ја најавуваме четвртата (некаде по грешка искомунициравме дека е трета) „Face to Face“ дебата под наслов „Онлајн дебатирање и неговото менаџирање – локални искуства“. Дебатата ќе вклучи локални практичари и аналитичари на темите на: онлајн модерација, раководење и менаџирање со заедница, администрација на дебатниот онлајн простор, менаџирање на коментари, онлајн диксуија и демократија.

Досега успеавме да добиеме потврда за присуство од модераторите на Утрински Весник, А1, Мотори, ИТ, еБизнис. Чекаме уште финални потврди и секако упатуваме отворена покана да присуствувате на оваа дебата и активно да се вклучите во дијалогот кој ќе овозможи подобрување на состојбите во сферата на дигиталната култура и медиумското образование.

Потврдете го вашето учество на објавениов настан на Facebook

Во прилог и официјалната објава во пдф формат: Онлајн дебатирање и неговото менаџирање – локални искуства

Благодарност до сите што присуствуваа и до презентерите. За сите што не можеа да присуствуваат ќе можат да го проследат настанот преку едно видео и шест аудио записи комбинирани со презентации. Редоследот по кои се објавени овде е обратен од оној по кој се случуваа.

6. Ѓокица Зафировски, UI/IxD Engineer, Google

Аудио запис (49:36 минути; 22.7 МВ)

Ѓокица во текот на презетацијата ги вети следниве линкови:
- DoubleClick Rich Media Gallery
- “Don’t make me think” – Steve Krug

5. Дамјан Арсовски, it.com.mk

Аудио запис (18:25 минути; 8.43 МВ)

4. Проф. Игор Tрајковски, Њујорк Универзитет Скопје, time.mk

Аудио запис (25:17 минути; 11.5 МВ)

3. Биљана Пешевска, Projectoffice.net

Аудио запис (6:24 минути; 5.86 МВ)

2. Деан Крстевски, broker.com.mk

Аудио запис (8:07 минути; 7.43 МВ)

1. Дијана Димитровска, Active Reception

Прашања и одговори по трите презентации (Дијана, Деан и Биљана)

Аудио запис (17:02 минути; 7.79 МВ)

БОНУС: неколку фотографии

Created with flickrSLiDR.

Ќе се дискутира за:

• Интернет стандарди
• Front end интернет технологии
• Кориснички интерфејс и тимови за развој (како тоа го прават големите компании)
• Степенот на искористување и имплементација на достапните ресурси за развој на модерни апликации во Македонија
• Примери на индивидуални и комерцијални интернет базирани проекти

Ќе зборуваат:

• Ѓокица Зафировски, UI/IxD Engineer, Google (link)
• Проф. Игор Tрајковски, Њујорк Универзитет Скопје (google dropout) (link)
• Дамјан Арсовски, it.com.mk (link)
• Деан Крстевски, broker.com.mk (link)
• Биљана Пешевска, Projectoffice.net (link)
• Дијана Димитровска, Active Reception (link)

Влезот е слободен, а програмата е отворена, што значи може да се дополни се до последен момент доколку има заинтересирани за презентација на оваа тема.

Вечерта продолжува со Проекција:

„Навистина остварени детски сништа“ оддржано од професорот Ренди Појш од Универзитетот Карнеги-Мелон со последното Сподели Кино оваа 2008 година.

„Сите ние имаме детски соништа за тоа што ќе правиме кога ќе пораснеме. На пример: да бидеме астронаути, да снимаме филмови, да правиме видео игри. За жал, повеќето луѓе никогаш не успеваат да ги реализираат своите детски соништа, и сметам дека е навистина штета што тоа е така.
Јас имав неколку специфични детски соништа, и јас навистина ги реализирав повеќето од нив. Но поважно од тоа, најдов начин да им помогнам на многу млади луѓе да успеат и да ги реализираат нивните детски соништа со отварањето на Центарот за забавни технологии на универзитетот Карнеги-Мелон заедно со Дон Маринели“ – Ренди Појш, 23 Октомври 1960 – 25 Јули 2008 година.

Оваа дискусија претставува затворање на сезоната за повеќе настани кои се одвиваа во текот на 2008 во одделна организација на Слободен софтвер Македонија и Центарот за нови медиуми. Станува збор за Сподели кино и Сподели знаење во организација на Слободен софтвер и Face2Face (лице во лице) во организација на Центарот за нови медиуми.

Облакот прозилезе од 35 блог поста со нивните коментари на тема Македоинија-Грција. Ги собравме сите имиња кои се употребуваа за именување на Македонија и Грциија и нивните жители и ги ставивме во семантички облак кој ја ислусрира зачестеноста на употребуваните термини. Облакот изгледа вака:

Како подршка на оваа визуелизација создадовме и краток видео запис-анимација која ја имболизира актуеланта борба за името.

Семантичкиот облак на преименувањето може да се преземе како:

Renaming Semantic Cloud JPG 3600px ~900KB
Renaming Semantic Cloud PDF file ~430KB
Renaming Semantic Cloud WMV video ~18MB
Renaming Semantic Cloud 3gp video ~6.5MB

Презентациајта е нарчена: Семантички
 облак
 на 
преименувањето

Преку техниката на генерирање семантички облак (semantic cloud, англ.) ќе биде визуелизирана лексичката база и јазичен материјал на тема „Грција“ и „Македонија“, низ призма на спорот за името помеѓу Република Грција и Република Македонија.

Јазичниот материјал ќе биде ексцерпиран од македонската блогосфера, која е особено погодна за овој арт‐експеримент, бидејќи дозволува нерестриктивна, високо стилизирана и афективно обоена употреба на јазичниот материјал и лексеми од семантичкото поле „Грција“ и „Македонија“

Како тизер еве еде мал дел од она што ќе биде презентирано утре во Точка во сесијата која започнува во 19.00 часот.

Renaming semantic cloud

Дел1

Дел2

Центарот за нови медиуми, НВО Инфоцентарот и Младинскиот образовен форум организираат тринеделна работилница, на кој средношколците и студентите ќе се запознаат со македонската медиумска сцена, пропагандата и политичкиот маркетинг. Учесниците ќе развијат критички пристап кон понудените информации, ќе стекнат способности за аргументирано коментирање на медиумската понуда и ќе научат како преку користењето на новите медиуми, своите коментари и ставови да ги презентираат јавно.

Првата, од предвидените четири работилници, ќе се одржи од 11 до 29 март, 2008 година, со 12 учесници. А веднаш по неа следуваат уште 3 циклуси.

На работилницата ќе се обработат темите:

- Вовед: Пропаганда и медиуми – Билјана Бејкова, НВО Инфоцентар

- Политика, медиуми и јавно мислење – Марко Трошановски, Институт за демократија

- Критичко мислење и медиуми – Павлина Каранфилова, НВО Инфоцентар

- Дебата, аргументирање и критичко размислување – Марјан Забрчанец и Бојан Маричиќ, Младински образовен форум

- Нови медиуми – Дарко Булдиоски, Центар за нови медиуми

По завршувањето на серијата од четири работилници учесниците заинтересирани за понатамошна соработка ќе можат своите ставови да ги објавуваат на новиот Young Media Watchdogs блог. Објавувањето на комантари и ставови ќе се одвива под континуирано менторство на Дарко Булдиоски, Марјан Забрчанец и Бојан Маричиќ.

Извор: НВО Инфоцентар

Повод: Иницијално, можеби и ненамерно целата работа започна со емисијата Без пардон која оди на првиот канал на Македонската национална телевизија која предизвика коментар од Сеад Џигал, објавен на блогот Комуникации со наслов Без пардон, а и без усул каде во коментарите се разгоре жестока дебата особено откако во неа се приклучи и Роберто Беличанец, инаку учесник во тв емисијата.

Тема: Пресек на македонската блог заедница, уздуш и попреку, а може да се продискутира и за нејзината иднина

Место на случување: НВО Инфоцентар

Време: Петок, 15 Февруари 18 часот

Учесници: Секој кој може и сака да дојде, а се разбира е спремен конструктивно да го искаже својот став.

Дополнителни информации: Најискрено ги молам сите оние кои навистина планираат да дојдат, да се пријават со коментар на овој пост за да можеме добро да го испланираме настанов. Просториите во кои планираме да го одржиме имаат ограничен капацитет и токму затоа мораме да ја контролираме бројката.

Канцелариите (и мини-салата) на НВО Инфоцентар од пред неколку месеци се наоѓаат на нова локација. Зад основното училиште Песталоци, на улицата која води од Драгстор Бети, Лезет кон Polyesterday мапа и детали тука.

Настанот планираме да биде некако не многу строго модериран, заради конструктивноста на дискусиите. Некој од нас (Дарко, Сеад или Мите) ќе ја преземе таа (неблагодарна) улога. Ќе се потрудиме да обезбедиме и некој снимен материјал за оние кои од било какви причини нема да можат да дојдат а имаат желба да видат како сме поминале.

И секако, добродојдени се и неблогери, овој настан не го правиме исклучиво да се соочиме со Роберто туку да ја ги продолжиме актуелните дискусии. Ако планираш да донеш другар/ка пријави го/ја и неа во коментар.