На конференцијата ќе има четири работни сесии:

• Прва сесија: глобално медиумско село,
• Втора сесија: онлајн медиуми за млади и младински портали,
• Трета сесија: блогови, форуми, групи на јаху, фејсбук, мајспејс, хај-фајв, и
• Четврта сесија: заедници на интернет: животот на интернет и виртуелната реалност

Дарко Булдиоски, Сеад Џигал и Мите Кузевски од Центарот за нови медиуми ќе имаат свои презентации во третата сесија на конференцијата.

Дарко Булдиоски ќе презентира студија на случај за проектот “Young Media Watchdogs” чија цел е да го подигне нивото на медиумската писменост и аналитичката способност на младите од граѓанскиот сектор и да промовира јавно учество преку новите медиуми во декодирање на медиумските пораки.

“Социјално вмрежување - зајакнување или трансформација на општествената интеракција и учество?” е темата на која свое излагање ќе имаат Сеад Џигал и Мите Кузевски. Презентацијата ќе даде преглед на влијанието на се попопуларните интернет страни за социјално врежување со акцент на MySpace, Facebook и hi5.

Конференцијата ќе овозможи:

• Размена на контакти и искуството од онлајн медиумите за млади во Европа меѓу студентите и младите новинари.
• Дискутирање за улогата на Информатичката технологија во создавањето на релевантни медиуми за млади и портали и нивната важна улога за младата генерација.
• Размена на мислења за влијанието на овие медиуми за млади врз глобалната мрежа и за денешното новинарство на интернет.
• Дебатирање за нови теми во врска со развојот на Информатичкото општество вклучувајќи го неговото позитивно и негативно влијание врз глобализацијата и „виртуелниот“ живот на младите луѓе во Централна и Источна Европа и Кавказ.
• Преглед на релевантните онлајн медиуми за млади преку проучување на случаи и процена на нивната улога во демократскиот развој и промоција на јавното мислење на младите во овие региони.

Конференцијата е поддржана од програмата Исток-Исток: Прекугранични партнерства на фондацијата Институт Отворено Општество и Централно Европската Иницијатива и ќе има 60 учесници од цела Европа, главно млади новинари или медиумски професионалци кои работат во онлајн медиуми од Централно-источна и Југоисточна Европа.

Средбата и самата дискусија се одржа во сосем неформален карактер што резултираше во извонредно содржајна, отворена и мошне корисна дискусија на темата онлајн информирањето во Македонија, какви се состојбите на овој план, кои се систематските проблеми, кои се поединечните искуства во започнувањето, одржувањето и развивањето на онлајн информативните медиуми, какви се перспективите и кои се можните решенија за проблемите со кои се соочуваат нашите ентузијасти во оваа сфера.

Иако е секако нефер да се изредуцира самата дискусија на неколку просто-проширени реченици, сепак заради континуитетот на записи од овие настани би ги издвоил следните „поенти“ на средбата:

• сферата на онлајн информирањето кај нас, иако бележи значителен напредок, е далеку од развиена
• рекламниот колач во оваа сфера е сè уште ситничок
• конвенционално обучените новинари се однесуваат конзервативно и резервирано кон онлајн медиумите, иако помладите кадри покажуваат поголем ентузијазам кон онлајн информирањето
• беше допрена темата на соодносот на класичните изданија (печат, ТВ) и онлајн изданијата на едни исти медиуми и феноменот на „негативна/ирационална внатрешна конкуренција“ како состојба која го инхибира развојот на онлајн информирањето.
• беа разгледани „пиковите“ (врвот) на посетеноста во текот на денот во различни медиуми кои посочија одредени модели на однесување на публиката.
• беа направени проценки во кој првец ќе се движи развојот и активностите на онлајн медиумите и кои се најголемите предубедувања во оваа сфера.

Со овој заклучен збор им се заблагодаруваме на учесниците со додавка дека дискусиите во рамките на „Face2Face“ секако ќе продолжат, а темите за можните следни средби се отворени за дискусија и сугестии.

Дополнително ќе се потрудиме да објавиме и некој аудио запис од настанов. Некои мобилни снимаа, ама не сме сигурни дали имаме снимка која може да се употреби

1. Како да создадете успешна WEB 2.0 заедница (mp3 44 mb) - Во оваа сесија креаторите на ХајВеј, Citizen Journalisam Network сајт од Украина, презентираа како ја создале својата заедница, како ја одржуваат и како се финансираат.
2. Citizen Journalism and Youth Media (mp3 44mb) - презентираше беше соработката помеѓу IDEA и Bloomfield College. Се зборуваше многу за Citizen Journalism, како Барак Обама ја користел во кампањата за избор на претседателски кандидат итн. Најважниот заклучок беше дека иако новите медиуми се ефтини и многу достапни сепак треба да се познаваат одредени вештини за да можат содржините на новите медиуми да бидат комуникабилни.

Дополнување (29.06.2008):
Еве и две видеа од BarCamp-от. Првото е за алатките кои IDEA им ги овозможува на младите поврзани со Citizen Journalism, а второто е како може видеото да се искористи во младинскиот активизам.

Специјален гостин на конференцијата беше Robin Hamman, одговорен за блоговите и примената на нови медиуми во BBC автор на блогот Cybersoc.com. Покрај него воведни излагања имаа и Драган Варагиќ и Ненад Ромич (Marcell Mars).

Дел од атмосферата од конференцијата на flickr: 256 фотографии.

Центарот за нови медиуми, НВО Инфоцентарот и Младинскиот образовен форум организираат тринеделна работилница, на кој средношколците и студентите ќе се запознаат со македонската медиумска сцена, пропагандата и политичкиот маркетинг. Учесниците ќе развијат критички пристап кон понудените информации, ќе стекнат способности за аргументирано коментирање на медиумската понуда и ќе научат како преку користењето на новите медиуми, своите коментари и ставови да ги презентираат јавно.

Првата, од предвидените четири работилници, ќе се одржи од 11 до 29 март, 2008 година, со 12 учесници. А веднаш по неа следуваат уште 3 циклуси.

На работилницата ќе се обработат темите:

- Вовед: Пропаганда и медиуми - Билјана Бејкова, НВО Инфоцентар

- Политика, медиуми и јавно мислење - Марко Трошановски, Институт за демократија

- Критичко мислење и медиуми - Павлина Каранфилова, НВО Инфоцентар

- Дебата, аргументирање и критичко размислување - Марјан Забрчанец и Бојан Маричиќ, Младински образовен форум

- Нови медиуми - Дарко Булдиоски, Центар за нови медиуми

По завршувањето на серијата од четири работилници учесниците заинтересирани за понатамошна соработка ќе можат своите ставови да ги објавуваат на новиот Young Media Watchdogs блог. Објавувањето на комантари и ставови ќе се одвива под континуирано менторство на Дарко Булдиоски, Марјан Забрчанец и Бојан Маричиќ.

Извор: НВО Инфоцентар

Во теков на следнава недела, ќе ставиме делови од настанот како видео и аудио.

Update 1

Аудио од овој настан: Дел 1 (~20MB mp3) Ø Дел 2 (~28MB mp3) Ø Дел 3 (~18MB mp3) Ø Дел 4 (~42MB mp3)

Скоро се е тука освен еден мал дел за кој бев замолен од Василка да го извадам.

Повод: Иницијално, можеби и ненамерно целата работа започна со емисијата Без пардон која оди на првиот канал на Македонската национална телевизија која предизвика коментар од Сеад Џигал, објавен на блогот Комуникации со наслов Без пардон, а и без усул каде во коментарите се разгоре жестока дебата особено откако во неа се приклучи и Роберто Беличанец, инаку учесник во тв емисијата.

Тема: Пресек на македонската блог заедница, уздуш и попреку, а може да се продискутира и за нејзината иднина

Место на случување: НВО Инфоцентар

Време: Петок, 15 Февруари 18 часот

Учесници: Секој кој може и сака да дојде, а се разбира е спремен конструктивно да го искаже својот став.

Дополнителни информации: Најискрено ги молам сите оние кои навистина планираат да дојдат, да се пријават со коментар на овој пост за да можеме добро да го испланираме настанов. Просториите во кои планираме да го одржиме имаат ограничен капацитет и токму затоа мораме да ја контролираме бројката.

Канцелариите (и мини-салата) на НВО Инфоцентар од пред неколку месеци се наоѓаат на нова локација. Зад основното училиште Песталоци, на улицата која води од Драгстор Бети, Лезет кон Polyesterday мапа и детали тука.

Настанот планираме да биде некако не многу строго модериран, заради конструктивноста на дискусиите. Некој од нас (Дарко, Сеад или Мите) ќе ја преземе таа (неблагодарна) улога. Ќе се потрудиме да обезбедиме и некој снимен материјал за оние кои од било какви причини нема да можат да дојдат а имаат желба да видат како сме поминале.

И секако, добродојдени се и неблогери, овој настан не го правиме исклучиво да се соочиме со Роберто туку да ја ги продолжиме актуелните дискусии. Ако планираш да донеш другар/ка пријави го/ја и неа во коментар.

Прва сесија -Алатки, сервиси, техники и трикови (27 mb)

Втора сесија - Блогови и медиуми (29,7 mb)

Со самото појавување на блоговите во новинарскиот свет дојде веста за една нова заедница којашто делумно ја сфаќаа како конкуренција, но голем дел ја сфатија како извор за нови вести, идеи и содржини коишто можат да ги искористат при својата работа - Анастас Вангели

Една од разликите помеѓу традиционалнните медиуми и блоговите е тоа што конкретниот производ на традиционалните медиуми е колективно создаден, додека содржината на блоговите најчесто ја создаваат индивидуалци. Друга важна разлика е тоа што мејнстрим медиумите или новинарството сакаат да созададат слика дека се објективни/неутрални за разлика од блогерите кои отворено кажуваат за себе дека се субјективни - Ивица Антески

Трета сесија - Подем на мрежното општество (30,7 mb)

Еден битен аспект за блогот како медиум е негоавта голема можност за промоција на критичко мислење и дебати за општествено релевантни теми. Можноста за коментари што ги овозможува блогот како медиум афирмативно влијае врз развојот на критичкото мислење - Жарко Трајаноски

Со блоговите дојде еден нов бран на идеи. Претходно можевме да ги најдеме слушнеме и видиме само ставовите и размислувањата на 10-тина експерти кои се појавуваа буквално на сите медиуми одговарајќи на прашања од сите области. Со блоговите се отвори можноста и други луѓе што скаат, да кажат нешто тоа, тоа и да го сторат. Со што имаме едно ново влијание, нов квалитет. - КНСИС

Доколку сакате да слушнете што вели Гроздан за МК Блог Конференција преземете ја „Епизода 13“ од Гроздановиот подкаст.

После мк блог конференцијата
Кибер Котле

Заврши првата македонска блогерска конференција
Археолошки дневник

Блог-конференција - mkblogconference - Мај 2007
Волан

Конференција – субјективно
Лавот

И еден запис кој што се појави за време на конференцијата:

Блогери на конференција
Новица

Доколку сакаш да видиш дел од атмосферата на конференцијата низ фотографии, сет од 63 фотографии ТУКА.

Мал дел од почетната атмосфера и низ видео:

Еве пар слики (виа Миша):